JOOX 陪您重溫2019音樂旅程齊齊了解港人聽歌唱K習慣及音樂口味

全港最受歡迎嘅多元化音樂娛樂平台，JOOX 讓用戶可隨時隨地聽音樂之餘更可以唱K同睇直播
香港用戶單單透過「拍住唱」功能已送出共超過70萬份禮物，總值超過港幣$50萬
JOOX 香港用戶於2019年聽歌嘅總時間足以環繞地球飛行900萬次

香港2019年12月18日 /美通社/ — 2019年去到尾聲，回顧過去一年，有邊首飲歌曾經令你每日都聽同跟住唱？你又好想同邊位歌手表達你對佢哋嘅支持？有邊個樂壇盛事令你回味無窮？JOOX 最新年度回顧除了公布2019本地人氣音樂排行榜，更會揭曉本地用戶嘅音樂口味、聽歌習慣、「拍住唱」互動及睇直播互動次數。事不宜遲，一齊睇下2019年度盤點！

JOOX陪您重溫2019音樂旅程

JOOX香港用戶於2019年聽歌嘅總時間足以環繞地球飛行900萬次

港人嘅聽歌習慣及音樂口味你又知幾多？

JOOX 有眾多本地用戶，單從聽歌時間就能反應出香港人嘅生活作息時間。用戶每日有兩個時段係聽歌嘅高峰時間，包括每朝早8點起身就聽住歌出門返工返學；夜晚6點收工就鍾意喺搭車嘅時候聽歌放鬆心情。除此之外，JOOX 更加發現香港用戶鍾意喺 Throwback Thursday 懷緬過去，即逢星期四聽音樂包括舊歌嘅次數較其他日子多！更多有趣嘅用戶聽歌習慣有：

週末最多人外出，所以星期日係最少人聽歌
本年度聽音樂次數最高嘅用戶，平均每日有10小時都是在聽歌
為何深夜總是寂寞？JOOX 發現喺深夜時分最多人聽嘅兩首歌係麥浚龍《寂寞就如》以及謝安琪《其實寂寞》
JOOX 香港用戶喺2019年入面聽歌嘅總時間，足以坐飛機環繞地球飛行900萬次^[1]！

此外，2019回顧當然唔少得最受歡迎嘅歌手 – 不如一齊睇睇今年入榜嘅歌手同歌曲係咪你嘅心水啦！

最多人收聽嘅人氣男歌手：

· 第一位：陳奕迅

· 第二位：周杰倫

· 第三位：張敬軒

最多人收聽嘅人氣女歌手：

· 第一位：容祖兒

· 第二位：鄭秀文

· 第三位：謝安琪

最多人收聽嘅組合：

· 第一位：BTS

· 第二位：Dear Jane

· 第三位：Supper Moment

最多人收聽嘅歌曲（排名不分先後）：

· 我們萬歲 – 陳奕迅

· 空手而來 – 張敬軒

· 寂寞就如 – 麥浚龍

· 亂世情侶 – 古巨基

· 我們都是這樣長大的 – 鄭秀文

· 其實寂寞 – 謝安琪

· 13樓的大笨象 – 鄭融

· 孤身走 – 連詩雅

· 但願人長久 – HANA

· Can You Hear (電視劇《白色強人》插曲) – 譚嘉儀

聽歌之餘更可唱 K、睇直播、與歌手或其他用戶互動

JOOX歌庫現時已擁有超過3,000萬首歌，除咗讓用戶可透過 JOOX 手機應用程式、桌面版應用程式或網站，隨時隨地聽歌之外，更可以唱「K」同睇直播，同所有香港音樂愛好者分享個人喜愛歌單，以及透過「拍住唱」功能唱歌拍片以及同偶像互動同送禮物。

JOOX至今已邀請42位歌手透過「拍住唱」功能一齊同粉絲們合唱，過去一年共錄得超過20萬首作品，相等於喺「K 房」唱足一年以3小時計嘅「K lunch」。同時，JOOX 亦收埋好多隱世嘅「K 皇 K 后」，更成功吸引到一班忠實聽眾支持同送出超過70萬份禮物，總值超過港幣$50萬！

至於本年度唱得最多次數嘅五首金曲包括：

第一位：來自天堂的魔鬼 – G.E.M. 鄧紫棋
第二位：說散就散 – JC
第三位：追光者 – 岑寧兒
第四位：百年樹木 – 張敬軒
第五位：怎麼了 – 周興哲

JOOX 更發現香港用戶好鍾意喺平台上互動，支持心愛歌手及其他「K 皇 K 后」，最活躍用戶全年「俾 Like」數過萬，留言數更過十萬。

「韓流」直播讓用戶隔空為偶像歡呼喝采

講到香港人聽歌嘅口味， K-Pop 從來都榜上有名！ JOOX 香港用戶除咗會聽 K-Pop 歌外，更鍾意收睇韓國音樂頒獎禮及其他節目直播。JOOX喺12月亦直播 Mnet 亞洲音樂大獎 （MAMA）及「Melon Music Awards」（MMA），當中 MMA 嘅亞洲網上直播中喺香港更錄得接近20萬累計點播人次，JOOX 粉絲共送出6萬份禮物。

另外， JOOX 喺2019年於多個地區同步獨家直播嘅大熱音樂節目包括：1月份舉行《WINNER EVERYWHERE TOUR ENCORE IN SEOUL》及《iKON CONTINUE TOUR ENCORE IN SEOUL》演唱會、第28屆首爾歌謠大賞（Seoul Music Awards）、韓國節目《M countdown》，以及5月份獨家同步直播韓國人氣選秀節目第4季《PRODUCE X 101》。